Euskaraz bizi

• Euskaraz bizi » 
• Berbalagun

Berbalagun

BERBALAGUN egitasmoaren helburua zein den honela adierazi dezakegu: EUSKARA SENDATU ETA SENDOTU. Batetik, herrian euskararen presentzia bultzatu eta indartu eta, bestetik, bere etorkizuna ziurtatu. Euskararen erabilera bultzatuz, euskarari gure eguneroko bizimoduan tokia eginez, denbora eta esparru gehiago eskainiz, euskaraz BERBALAGUN... gure herria euskaldunagoa egingo dugu.

Durangon euskararen ezagutza maila dezentea bada ere, erabileran ez da gauza bera gertatzen. Euskara ez erabiltzearen arrazoiak hainbat izan daitezke: euskaraz jakin bai, baina ziurtasunik ez eta lotsatu; euskaraz erabili nahi bai, baina norekin eduki ez; erdaraz egiteko ohitura izan eta euskaraz egitekoa ez...

Abian dugun proiektu hau euskaldun zaharrak eta berriak harremanetan jartzen dituen proiektua da. Euskaldun berriei zein euskara ikasten dihardutenei laguntzen die, eta halaber, proiektuan parte hartzen duten euskaldun guztiei (zahar zein berri) euskaraz bizitzeko aukerak eskaintzen dizkie.

Harreman hau taldeka burutzen da eta, taldeak osatzerakoan, kontuan hartzen dira partaideen ordutegiak, gustuak, interesak eta abar.

Nori dago zuzenduta?

BERBALAGUN egitasmoa 17 urtetik gorako Durangoko euskaldun guztiei zuzenduta dago:

• Euskaldun berriak eta euskaldun zaharrak: elkarrekin, lotsa barik, euskaraz bizi daitezen.
• Euskara ikasten ari direnak edo inoiz euskara ikasi edota erdibidean geratu direnak (elkarrizketa bat izateko maila nahikoa dutenak).

Euskaldun zaharren parte hartzea behar-beharrezkoa da euskaldun berriei eta ikasten ari direnei kalean egiten den euskarara hurbiltzen eta euren euskara hobetzen laguntzeko.

• Durangaldeko Berbalagunak

Argazkiak

	Berbalagun argazkiak

Zuretzat

	Gurasoak		Merkatariak - Ostalariak		Helduak
	Gazteak		Euskara ikasten

• atzera